كلام طبعا" كلنا سمعناه و شوف بنفسك

استعرض الموضوع السابق استعرض الموضوع التالي اذهب الى الأسفل

كلام طبعا" كلنا سمعناه و شوف بنفسك

مُساهمة من طرف dr.Broken Heart في 09/10/09, 12:31 am


* ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.


*مذاكرة ايه دا اللى على السرير.


*بلاش البرفان وانتى نازله.


*يا ابني تعالي اقعد معانا ولا انت ماجر اوضه جوه البيت ......

* ابقي نشف الحمام بعد ما تخرج منه.


* يا خويا ياراتك حافظ الدروس اللى عندك زى ما انت حافظ الاغانى كده .


* اعملى حسابك اول م الدراسه تيجى الرسيفر هيتشال هو
والتليفزيون.

*قبل الفجر:ارجع بات في المكان اللي انت جاي منه.


* لو كانت اللي علي التليفون طنط سلوي قوليلها ماما نايمة .


* ابقى قابلني بكرة تاخد بالجزمة وتاكل كل حاجة غصب عنك.


* يابنى حرام عليك هات قناة الناس الشياطين ماليه البيت.


* امشى جاتك مشش فى ركبك .


* جتها نيلة الى عايزة خلف تيجى تتفرج .


* متحطيش الموبيل جنبك و انت نايمه هيجبلك تخلف عقلي .


*ذاكر ياموكوس مش فالح غير فى الهيافه والكلام الفاضى.


* متتأخرش وهات عيش وانت جاى .


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك .


* وطي المدعوق ده شويه .


* مش ملاحقه علي التليفون ولا الموبيل عملالي فيها الست المهمه.


*برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.



*لما ما ترضاش تاكل في البيت:طبعا مانت اتعودت علي اكل بره .


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انتى كل يوم تصاحبي واحدة جديدة ؟.


* هياا الوزيرة معندهاش وزاره النهارده قومى يا حبيبتى الساعه10 .


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني . ديماً


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* المسلسل مش هينفعك ...قوم .


* ابقي قبليني لو فلحتي ...بس ديما مش بيقلوا نقبلهم فينّ!!! غربيه .


*مين اللي ساب باب التلاجة مفتوح.


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* ماتكلش فى ضوفرك.


*فلوسك بتروح فين يا هبله انتي بتصرفي على الصبيان؟؟.


*(مع ان الواحد كل سنة بينجح و رغم كدة يقولولك ابقى تف على وشى لو نجحت) كل سنة الكلام دة .


كنت فين لحد دلوقتى يا صايع.*


* ماتتأخرش علشان عندك كلية بكرة بدرى.


* انا عارفة ازاى المك .


* انا : ياماما بقه ايه ده ؟؟؟
ماما:مووو لمـا يــــــخدك .


* ادلعى ياهبة فى ايامك المهببه .


* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* يأبنى المذاكره مابتخلص .... نفسى اشوفك مره ماسك كتاب.!!


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط .


* احمد ربنا الاكل الى مش عجبك ده فى ناس مش لقينه .


*والله لو منضفتيش الشقه ومسحتيها ما في نزول النهرده .


* ابوكم كان دايم بيطلع الاول على الفصل... ' لما كلهم كده امال مين الى بيطلع الاخير '.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟

ياريت كل واحد يقول مواقفه و أكثر حاجة عجبته من الكلام ده

** ملحوظة هامة ومش لازم ننساها **

طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدير
avatar
dr.Broken Heart
 
 

ذكر
عدد الرسائل : 400
العمر : 28
العمل/الترفيه : مش عارف .. أهو بذاكر
المزاج : تايه فى الماضى دايما
تاريخ التسجيل : 22/09/2008

الرجوع الى أعلى الصفحة اذهب الى الأسفل

رد: كلام طبعا" كلنا سمعناه و شوف بنفسك

مُساهمة من طرف تسبيح في 09/10/09, 01:31 am

* وطي المدعوق ده شويه .
* قوم اقرا لك كلمتين ينفعوك
بلاش تمشى حافى البس شبشب وانته داخل الحمام

* كفايه رغي في التليفونات
* لو مش فاهم حاجه ارفع ايدك و قول للأستاذ مش فاهم .. متتكسفش .

انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
والله ضحكتنى يا دكتور بروكن
فكرتنى بالذى مضى
والحمد لله انه مضى
الجمل اللى انا مختاراها سمعتها كتير من ست الحبايب
بس عمرى ما شفتها تهزيق او انها بتزعق لى
عشان بجد فى كل كلمة كانت قصدها مصلحتى
واكيد الواحد هيقول لاولاده نفس الكلام اللى بنضحك عليه دلوقتى
ربنا يخليهم لينا يارب ويبارك لنا فى عمرهم




* مش ملاحقه علي التليفون ولا الموبيل عملالي فيها الست المهمه

* يابنى حرام عليك هات قناة الناس الشياطين ماليه البيت
avatar
تسبيح
 
 

انثى
عدد الرسائل : 162
العمر : 32
المزاج : الحمد لله رب العالمين
تاريخ التسجيل : 27/01/2009

الرجوع الى أعلى الصفحة اذهب الى الأسفل

رد: كلام طبعا" كلنا سمعناه و شوف بنفسك

مُساهمة من طرف smart doc في 09/10/09, 01:39 am

هههههههههههههههههههههه كلام جامد والله يا دوك فعلا هو دا ال بيتقال
ههههههههه
مع انى مبيتقليش كتير اوى يعنى بس بررردو الامر ميسلمش وطبعا اشهر حاجه بتتقاللى
*مذاكرة ايه دا اللى على السرير.
بس طبعا خلاص اتعودوووووووووو نو واى غير كدا

*يا ابني تعالي اقعد معانا ولا انت ماجر اوضه جوه البيت ......
ههههههه ودى بردو

* متحطيش الموبيل جنبك و انت نايمه هيجبلك تخلف عقلي .

بجد بحييك عالجمله دى يا دكتر والله انا كنت فقدت الامل ان فى حد تانى بيتقللو الكلمه دى غيرى

* هياا الوزيرة معندهاش وزاره النهارده قومى يا حبيبتى الساعه10 .
هههههههههههههههههههههههههههههههههههههههههههههههههههههههه
دى بقى بتتقللى بس مش كدا لان الساعه بتكون ادان المغرب
ههههههه دنا لو قمت 10 وقعدت اكتر من نص ساعة صحية بيقلقو عليا
هههههههه

* انته مبتكلش جزر ليه .. اجيبلك برتقانه. طب كل سلطه .
؟
؟؟؟؟؟؟؟؟؟؟؟؟ ايه دا هما بيقولولكو كدا؟؟؟؟؟؟؟؟
اشمعن انا محدش بيعبرنى؟؟؟؟؟؟



* قومي ساعدي امك ده اللي هيتجوزك أمه داعية عليه.
هههههههه ده الطبيعى


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

ههههه هو دااااااااااااااااا


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .
دى بقا هتتقال قريب بس من غير صايع بره البيت دى لانى اصلن مش هخرررررررررج





بس بجد موضوع جمييييييل اوى دكتر بروكن


تحياااااااتى
avatar
smart doc
 
 

انثى
عدد الرسائل : 1094
العمر : 26
كيف تعرفت علينا ؟ : Friends
تاريخ التسجيل : 11/04/2009

الرجوع الى أعلى الصفحة اذهب الى الأسفل

رد: كلام طبعا" كلنا سمعناه و شوف بنفسك

مُساهمة من طرف SomeOne في 09/10/09, 04:46 am

موضوع جامد
جيت عالجرح يا بروكن


قالب ليلك نهارك طول الليل صاحى وطول النهار نايم

لسه متقاللي زيها من عشر دقايق



ده منظر اودة بني آدم

دي ليل ونهار بسمعها وكتير أختي كمان بتقولهالي
بس على مين !داحنا ما بيهمناش !




هو انا الخدامه الى ابوكم جبهلكم
ابقى قابلني بكرة تاخد بالجزمة وتاكل كل حاجة غصب عنك

طبعا لما اطلع عيب في حاجة هي طابخاها



مذاكرة ايه دا اللى على السرير ذاكر سعتنين بتركيز كأنك ذكرت اليوم كلو

بس كان أيام الثانوية انما دلوقتي رموا طوبتي خلاص





أبوك عندك أهو اتصرف معاه


بسمعها كل أول شهر وانا باخد المصروف



. .

SomeOne
 
 

ذكر
عدد الرسائل : 136
العمر : 28
الموقع : خط نص مهاجم
العمل/الترفيه : طالب حلاق
المزاج : مع نفسي
تاريخ التسجيل : 06/07/2009

الرجوع الى أعلى الصفحة اذهب الى الأسفل

رد: كلام طبعا" كلنا سمعناه و شوف بنفسك

مُساهمة من طرف dr.Broken Heart في 09/10/09, 02:17 pm

تسبيح كتب:والله ضحكتنى يا دكتور بروكن
فكرتنى بالذى مضى
والحمد لله انه مضى
الجمل اللى انا مختاراها سمعتها كتير من ست الحبايب
بس عمرى ما شفتها تهزيق او انها بتزعق لى
عشان بجد فى كل كلمة كانت قصدها مصلحتى
واكيد الواحد هيقول لاولاده نفس الكلام اللى بنضحك عليه دلوقتى
ربنا يخليهم لينا يارب ويبارك لنا فى عمرهم


أسعدنى مرورك جدا" يا دكتورة تسبيح
شكرا" جزيلا" على ردك الجميل و متابعتك
و طبعا" كل أهلنا كان اللى بيشغلهم مصلحتنا علشان كده ده الكلام اللى سمعتاه منهم
و الحمد لله إنك ضحكتى على الذى مضى
و أنا بقى أتمنى ان اللى مضى ده يرجع
avatar
dr.Broken Heart
 
 

ذكر
عدد الرسائل : 400
العمر : 28
العمل/الترفيه : مش عارف .. أهو بذاكر
المزاج : تايه فى الماضى دايما
تاريخ التسجيل : 22/09/2008

الرجوع الى أعلى الصفحة اذهب الى الأسفل

رد: كلام طبعا" كلنا سمعناه و شوف بنفسك

مُساهمة من طرف dr.Broken Heart في 09/10/09, 02:20 pm

RoSy RoSe كتب:


بس بجد موضوع جمييييييل اوى دكتر بروكن


تحياااااااتى



شكرأ" جزيلا" ليكى يا دكتورة روزى
كل كلماتك و الجمل اللى إختارتيها ضحكتنى تانى بجد
و كلها كلمات جميلة و بتضحك فعلا"
و كمان التخلف العقلى ده .... ببصراحة محدش يعرفه كتير ... الكلمة دى عمرها ما اتقالتلى
شكرا" جزيلا" ليكى يا دكتورة على رايك الجميل فى الموضوع
avatar
dr.Broken Heart
 
 

ذكر
عدد الرسائل : 400
العمر : 28
العمل/الترفيه : مش عارف .. أهو بذاكر
المزاج : تايه فى الماضى دايما
تاريخ التسجيل : 22/09/2008

الرجوع الى أعلى الصفحة اذهب الى الأسفل

رد: كلام طبعا" كلنا سمعناه و شوف بنفسك

مُساهمة من طرف dr.Broken Heart في 09/10/09, 02:23 pm

SomeOne كتب:موضوع جامد
جيت عالجرح يا بروكن. .
شكرا" ليك يا دكتور على كلامك و رأيك الجميل

و الجرح ده عندنا كلنا يا عم
بس بجد جرح جميل أوى ... كل ما نفتكره نضحك
ما أجمله من جرح
شكرا" ليك يا دكتور
avatar
dr.Broken Heart
 
 

ذكر
عدد الرسائل : 400
العمر : 28
العمل/الترفيه : مش عارف .. أهو بذاكر
المزاج : تايه فى الماضى دايما
تاريخ التسجيل : 22/09/2008

الرجوع الى أعلى الصفحة اذهب الى الأسفل

رد: كلام طبعا" كلنا سمعناه و شوف بنفسك

مُساهمة من طرف مروة رمضان في 18/10/11, 03:17 pm

بجد موضوع جميل جداااااااااااااااااااا
انا بقي بابا جه فترة كده وقعد يقولي

(( خليكي ورا الهلافيت اللي انتي مصحباهم ))

(( نفسي اجي مرة ملاقيش النور قايد في كل الاوض علي الفاضي ))

جزاك الله خيرا









))
avatar
مروة رمضان
 
 

انثى
عدد الرسائل : 8
العمر : 27
كيف تعرفت علينا ؟ : Facebook
تاريخ التسجيل : 18/10/2011

الرجوع الى أعلى الصفحة اذهب الى الأسفل

رد: كلام طبعا" كلنا سمعناه و شوف بنفسك

مُساهمة من طرف mona hosny في 20/10/11, 09:20 pm

هههههههههههههههههههههههههههههههههه موضوع تحفه انا كنت فاكره انه معايا انا بس طلع مع كل الناس ههههههههههههههههههههه
كويس ههههههههه
avatar
mona hosny
 
 

انثى
عدد الرسائل : 3
العمر : 25
كيف تعرفت علينا ؟ : Facebook
تاريخ التسجيل : 14/10/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى